Tunkatten Lurivar!

Hei!

Åååå, eg har noko spennande eg vil fortelje dykk! No er vi komen til midten av november, og snart er det advent og jul. 1.desember får eg min eigen ventefylte adventskalender her på tunkatten, er ikkje det vinterfint? Det er forfattaren Aina Basso som har skrive om noko nerveskrekkande eg har opplevd, de kjem til å gnage av dykk fotepotane mens de les! Det kjem ein ny episode kvar dag frå 1. desember og fram til jul, og høyr her – dei siste fire episodane kjem alle torsdag 21. desember. Då kan dei som følger med i barnehagen eller skulen, få lese dei siste episodane før de tek ferie.
Så har eg eit glitrefint ønske til jul som alle kanskje kan hjelpe meg med? Om dei som følger med på adventskalenderen sender meg nye ord til ordlista mi, så får eg akkurat det eg ønsker meg aller mest! Og av dei nysefine orda som kjem inn, vil eg trekke ut nokre som vinn knakekjekke bøker frå biblioteket mitt.

Klikk: «Leik med ord», «Ordlista mi».

Mjau!
Beste helsing

Nokre godbitar